MOMU GRADU
Vajk su judi znali zafeštati i veselo pismu zapivati,
uz darove nomu koji slavi - govore su judi sastavjali.
Evo grade, tebi tvoja dica, pišu pismu
za Dan župe i grada Vodica.
Želimo ti manje apartmana, novu školu i nove vrtiće
jer odavna svi govoru - da bez dice
ni grad nema sriće .
Neka ti se popravu konali da te kiša više ne poplavi ,
da s ulica uklonu se vriće
prid kućama neka cvita cviće.
Nek se maknu bageri i buže
za rođendan nek ti restu ruže.
Mi želimo da si centar svita
i po zimi ka i usrid lita.
* Svomu gradu i svitu Vodica - ovu pismu poklanjaju dica i njiova učitejica Kata Franin!
Preneseno s FB profila Kata Franin